सरल अनि सान्दर्भिक बालकविता(भुँडी जत्रो जाँतो)-रमेशचन्द्र घिमिरे


  • २९ माघ २०७७, बिहीबार १४:२४ प्रकाशित
  • १६९ पटक पढिएको

  • भुँडी जत्रो जाँतो (बालकविता)

    – रमेशचन्द्र घिमिरे

    पिँढी छेउ बसेको त झन्नै गयो सातो
    घ्वाइँ घ्वाइँ कराउँदा भुँडी जत्रो जाँतो

    “मास राखे दाल बन्छ चामल राखे पिठो
    जे बने नि पकाएर खाँदा हुन्छ मीठो”
    यसो भन्दै आमाले समाएर हातो
    ढुक्कैसँग घुमाउनु भो भुँडी जत्रो जाँतो

    बेला बेला छुसुछुसु खन्याउँछु म नि
    दाल,पिठो जे–जे बन्छ बनाउँछु भनी
    घुमाउन खोजेको त दुख्यो आफ्नै पातो
    सकिएन हच्काउन भुँडी जत्रो जाँतो ।

    – भोर्लेटार, लमजुङ

    तपाइंलाई यो खबर पढेर कस्तो लाग्यो? मन पर्यो
    मन पर्यो खुशी अचम्म उत्साहित दुखी आक्रोशित
    ५%४%

    प्रतिक्रिया लेख्नुहोस