भानुभक्त र घाँसी (बालकविता)


  • २८ असार २०७८, सोमबार १६:३२ प्रकाशित
  • ५२९ पटक पढिएको

  • -रमेशचन्द्र घिमिरे
    घाँसी दाइले चिनेछन् सानु बाजेलाई
    हामीले´नि चिनियो भानु बाजेलाई

    तिर्खा लाग्दा गर्मीमा पानी खोजेका
    के गरूँ र कहाँ जाऊँ भन्ने सोचेका
    त्यतिबेलै घाँसीले घाँस काट्दै थे
    मुठो बाँध्न घाँसकै डोरी बाट्दै थे

    `नाति हुँ म श्रीकृष्ण हजुर बुवाको
    तिर्खा लाग्दा खोज्दैछु पानी कुवाको´
    घाँसी दाइले देखाए मूल भेट्टाए
    पानी खान पाएर तिर्खा मेटाए

    `राम्रो काम गरेर नाम कमाउँछु
    घाँस काटी बेचेर कुवा खनाउँछु´
    घाँसी दाइका कुराले बल्ल जोस्सिए
    नाम कमाउँछु भनेर भानु कस्सिए

    `घाँस काट्ने घाँसीको यस्तो जुक्तिले
    राम्रो काम गर्छु म आफ्नै बुद्धिले´
    यसो भन्दै भानुले कलम समाए
    रामायण लेखेर नाम कमाए ।
    २०७६/०३/२८                                              भोर्लेटार, लमजुङ

    तपाइंलाई यो खबर पढेर कस्तो लाग्यो? मन पर्यो
    मन पर्यो खुशी अचम्म उत्साहित दुखी आक्रोशित
    ४%१%

    प्रतिक्रिया लेख्नुहोस